OBSERVATORIO COSTEIRO
DA XUNTA DE GALICIA
Máis de 10 anos dedicados á observación e a predicións das condicións meteorolóxicas e oceanográficas da costa de Galicia. Este Observatorio forma parte do Observatorio Oceanográfico Transfronteirizo RAIA
Que é
A importancia dos mares e océanos é indiscutible para a sustentación da vida ademais de ser un valioso recurso que ofrece posibilidades para un desenvolvemento sostible. Galicia pola súa situación e características xeográficas está especialmente vencellada á actividade costeira e aos seus recursos.
Desde hai máis de 10 anos, INTECMAR, CETMAR e METEOGALICIA traballan xuntos na posta en marcha dun Observatorio Costeiro Integral de Galicia co obxetivo de:
- Apoiar a xestión coordinada do medio mariño
- Preservar servizos do ecosistema
- Facilitar o desenvolvemento sostible dos sectores produtivos ligados á economía azul
Este Observatorio participa en Observatorio RAIA colaborando con outras institucións tanto de ámbito nacional como do norte de Portugal.
