Observatorio Costeiro
Observación
A observación da dinámica costeira faise imprescindible para levar a cabo unha ordenación integrada e un desenvolvemento sostible das zonas costeiras, un aproveitamento sostible dos seus recursos e unha protección do medio mariño e os seus hábitats, diversos e produtivos, necesarios para facer fronte ás principais incertezas derivadas do cambio climático.
Co fin de ter un mellor coñecemento da franxa costeira, a Xunta de Galicia a través de distintos departamentos ven tomando medidas das variables ambientais que axudaron dende hai máis de trinta anos á xestión dos recursos e hábitats costeiros.
Plataformas Automáticas
Estas infraestructuras recollen medidas en continuo de temperatura da auga, salinidade, correntes e meteoroloxía: temperatura, vento e humidade, as cales son transmitidas e distribuidas en tempo real.
Actualmento o Observatorio conta coas seguintes estacións:
- Batea de Cortegada (2007): O seu primeiro uso foi alertar das baixadas fortes de salinidade que poden afectar ao recursos marisqueiros
- Plataforma de Rande (2007)
- Boia de Cíes (2008)
- Boia de A Garda (2010)
- Boia de Ribeira (2011)
- Boia de Muros (2015)
Rede exterior de Radar HF
Baseado no efecto doppler, é capaz de xerar mapas de correntes superficiais a distancia. Desde 2012 prodúcense mapas de correntes ata 100 millas: Cobren o dispositivo de separación de tráfico de Fisterra polo que pasan anualmente máis de 40.000 buques e é polo tanto útil para o seguimento de sentinazos.
Para crear estes mapas de correntes , precísase polo menos de dúas antenas. En colaboración con Puertos del Estado e o Instituto Hidrográfico de Portugal, combínanse cinco antenas para crear un só mapa que cobre toda a costa occidental de Galicia
- Prior (Intecmar, 2012)
- Vilán (Intecmar, 2012)
- Fisterra (Puertos del Estado)
- Silleiro (Puertos del Estado)
- Leça de Palmeira (IH)
Rede de mostraxe en estacións oceanográficas
Composta por 43 estacións nas Rías Baixas e no Golfo Ártabro onde, semanalmente, se obteñen perfís verticais dende a superficie ata o fondo de temperatura, salinidade, condutividade, osíxeno, fluorescencia, pH, transmitancia, irradiancia e densidade.
Os datos dan conta da dinámica das rías, contribuíndo a detectar proliferacións de microalgas tóxicas.
Esta rede existe desde 1992: con máis de 50.000 perfís, no 2022 cumprirá 30 anos, sendo unha das series máis longas do mundo.
Rede de estacións meteorolóxicas
Das 160 estacións da Rede Galega Meteorolóxica, máis do 25% están propiamente na costa. Estas estacións recollen medidas de vento, temperatura, humidade, precipitación, presión e radiación, transmitindo estes datos en tempo real. Esta información é necesaria para calquera diagnóstico do estado da mar
