Predición

Sistema de Predición Numérica Operacional

Actualmente mantense un sistema de predición numérica que executa diariamente unha serie de modelos coas seguintes características:

Modelos hidrodinámicos

• Modelos 3D  ROMS para a Costa galega e MOHID para as Rías.
• Resolucións para 2 km rexional e 300 m para as Rías Baixas e Golfo Ártabro.
• Predición diaria de nivel do mar, correntes,  salinidade e temperatura.

Modelos atmosféricos

• Modelo WRF.
• Resolución 4 km para Galicia e 1 km para Rías Baixas e Golfo Ártabro.
• Predición 2 veces ao día de temperatura, vento, presión, precipitación, entre outra variables.

Modelos de ondaxe:

• Modelo WWIII para mar aberto e SWAN para a zona costeira.
• Con resolución menor de 50 m.
• Predición de altura significativa, período e dirección da ondada.

A frecuencia con que se executa estes modelos é diaria e ata dúas veces ao día no caso dos modelos atmosféricos

Todas as observacións anteriores axudan á validación dos modelos dos que dispón o Observatorio e permiten unha predición das condicións océano meteorolóxicas de alta precisión.

sistema operativo de predición numérica

Predición numérica baixo demanda

Ademais destes modelos que se executan diariamente, o Observatorio ten a capacidade de facer simulación baixo demanda cando é necesario, sexa para un estudio pormenorizado, sexa por mor dunha emerxencia.

Estes modelos baixo demanda poden ser:

• Modelos hidrodinámicos de altísima resolución: Son modelos para predición de correntes nun área restrinxida cunha resolución por enriba dos 50 m.
• Modelos de dispersión de sustancias, sexan estas contaminantes, obxectos, coliformes fecais, hidrocarburos. Poden ser modelos eulerianos o lagranxianos (partículas).

Neste particular, destaca o Plan Camgal, que conta cun sistema de predición rápida a través do servidor Aquasafe.

Ademais proximamente incorporarase un modelo bioxeoquímico, actualmente en fase de validación antes de operacionalizarse.